ᐃᓄᐃᑦ ᓄᑕᕋᖏᓐᓄᑦ ᐃᖏᕐᕋᓯᑎᑕᐅᓯᒪᔪᖅ ᐊᐅᓚᑦᑎᔾᔪᑎᖏᓐᓂᒃ ᑐᓴᒐᒃᓴᐃᑦ

ᒪᓐᓇ ᑐᑭᓯᑎᑦᑎᔾᔪᑕᐅᔪᖅ

ᐊᑏ ᖃᐅᔨᒪᓂᐊᖅᐳᑎᑦ ᐃᓚᖏᑦ ᑐᒃᓯᕋᐅᑎᑦ ᐊᖏᖅᑕᐅᖃᑦᑕᕈᓐᓃᖅᑐᑦ ᒪᓕᒃᖢᒍ ᑕᖏᖏᑦ ᐊᑖᓂ ᑎᑎᕋᖅᓯᒪᔪᖅ. ᑐᒃᓯᕋᐅᓯᖅ ᐱᔭᕇᖅᑕᐅᓯᒪᓐᖏᑦᑐᖅ ᐅᕝᕙᓘᓐᓃᑦ ᐱᔭᐅᓐᓂᓐᖏᑦᑐᑦ ᐃᒪᓐᓇ ᐱᓕᕆᐊᖑᖃᑦᑕᕐᓂᐊᖅᑐᑦ ᐃᒪᓐᓇ ᐊᑖᓂ ᑎᑎᕋᖅᓯᒪᕗᑦ:

ᓇᓕᐊᑐᐃᓐᓇᖅ ᑐᒃᓯᕋᐅᑎ ᑕᑯᑎᑦᑎᔭᕆᐊᖃᖅᑐᖅ:

1. ᖃᓄᖅ ᑐᒃᓯᕋᖅᓯᔾᔪᑎᒋᔭᖓ ᐱᖁᑎ, ᐱᔨᑦᑎᕋᐅᑎ ᐅᕝᕙᓘᓐᓃᑦ ᐃᑲᔫᑎ ᐊᑐᖅᓯᑦᑎᐊᖅᐸ ᐊᔾᔨᒋᔭᖏᓐᖏᑦᑐᑦ ᑭᓐᖒᒪᒋᔭᖏᓂᒃ ᐃᓄᒃ ᓄᑕᕋᖅ, ᐊᒻᒪᓗ
2. ᖃᓄᖅ ᓄᑕᕋᖅ ᓇᓪᓕᐊᖕᓂᒃ:
   1. ᐊᑐᖅᓯᓯᒪᔪᖅ ᐱᑕᖃᓐᖏᓂᕋᐅᑕᐅᔪᑦ ᐅᕝᕙᓘᓐᓃᑦ ᑭᖑᕙᖅᓯᒪᔪᑦ ᐊᑐᕋᓱᒃᑕᖏᑦ ᒐᕙᒪᒃᑯᑦ ᐱᔨᑦᑎᕋᐅᑎᖏᓐᓂᑦ, ᐅᕝᕙᓘᓐᓃᑦ
   2. ᐋᒃᑳᖅᑕᓚᐅᖅᑐᖅ ᒫᓐᓇᐅᔪᖅ ᐊᑐᖅᑕᐅᔪᓂᒃ ᒐᕙᒪᒃᑯᓂᑦ ᐱᔨᑦᑎᕋᐅᑎᓐᓂᒃ ᐱᔾᔪᑎᒋᓪᓗᒍ ᐊᑎᖓ ᑭᓇᐅᓂᖓ ᐃᓄᒃ ᓄᑕᕋᖅ

ᑐᒃᓯᕋᐅᑎᑦ ᐃᓚᓯᒪᔭᕆᐊᖃᖅᑐᑦ ᐊᑑᑎᖃᖅᑐᓂᒃ ᐃᑲᔪᖅᓯᖅᑐᓂᒃ ᑎᑎᖃᓂᒃ ᓚᐃᓴᓯᖃᖅᑐᓂᑦ ᖃᐅᔨᒪᔨᒻᒪᕆᖕᓂᑦ ᐱᓇᓱᐊᖅᑎᒻᒪᕆᖕᓂᑦ. ᐅᓇ ᑎᑎᖃᖓ ᑎᑎᕋᖅᓯᒪᑦᑎᐊᕐᓗᓂ ᑕᒪᐃᓐᓂᒃ ᑐᒃᓯᕋᖅᑕᐅᔪᓂᒃ ᑕᒪᒃᑯᐊ ᐱᖁᑎ, ᐱᔨᑦᑎᕋᐅᑎ, ᐅᕝᕙᓘᓐᓃᑦ ᐃᑲᔫᑎᒃᓴᑦ ᓄᑕᕋᐅᑉ ᑭᓲᓂᖏᑦ ᐱᔭᕆᐊᖃᖅᑕᖏᑦ.

ᑕᐃᒪᓐᓇᐃᓐᓂᖓᓄᑦ, ᓄᓇᖅᑲᖅᑳᖅᓯᒪᔪᓄᑦ ᐱᔨᑦᑎᕋᐅᑎᑦ ᑲᓇᑕ ᐃᓱᒪᓕᖅᓯᒪᔪᑦ, ᒪᓕᒃᖢᒋᑦ ᖃᐅᔨᓴᕈᑎᒋᔭᑎᒃ ᒪᓕᒐᖅᑎᒍᑦ ᐊᑐᕆᐊᖃᖅᑐᑦ ᐊᑕᔪᓄᑦ ᐃᓚᐃᓐᓈᕆᐊᖃᓐᖏᓂᖅ ᐊᑖᒍᑦ ᐃᓄᖕᓂᒃ ᓄᑕᖃᓂᒃ ᓯᕗᓪᓕᐅᑎᑦᑎᓂᕐᒧᑦ ᐃᖏᖅᕋᓯᑎᑕᐅᓯᒪᔪᖅ, ᐅᓇ ᑮᓇᐅᔭᒃᓴᖅ ᐊᑖᓂ ᑎᑎᕋᖅᓯᒪᔪᓂᒃ ᐅᑯᓂᖓ ᐊᖏᖅᓯᔮᓐᖏᑦᑐᖅ ᑭᓯᐊᓂ ᑮᓇᐅᔭᒃᓴᖅ ᐱᔭᐅᔪᓐᓇᖅᑐᖅ ᑮᓇᐅᔭᒃᓴᖃᖅᑎᑦᑎᔭᕆᐊᖃᕈᑎᒃ ᐊᖏᔫᓗᓂ ᐃᓚᐃᓐᓈᕆᐊᖃᓐᖏᓂᕐᒧᑦ ᐱᓯᒪᓂᖃᕈᓂ:

• ᓂᐅᕕᕐᓗᓂ ᐃᒡᓗᒥᒃ, ᐃᒡᓗᓕᐅᕐᓗᓂ ᐅᕝᕙᓘᓐᓃᑦ ᓯᓚᑎᓕᒫᖓᓄᑦ ᓄᑖᖑᕆᐊᖅᑎᑕᐅᓗᓂ ᐃᒡᓗ
• ᑐᒃᓯᕋᖅᑐᑦ ᐃᑲᔫᑎᒃᓴᓄᑦ ᐱᒡᒍᓴᐅᑎᔾᔪᑎᒃᓴᓄᑦ ᐊᑭᓕᐅᑎᒋᓂᐊᕐᓗᒋᑦ ᐅᕝᕙᓘᓐᓃᑦ ᐳᖅᑐᔪᓄᑦ/ᐱᒡᒍᓴᐅᑎᔪᑦ ᐱᓐᖑᐊᕐᓂᖅ-ᐱᓯᒪᔪᑦ ᐱᔭᕆᐅᖅᓴᑎᑦᑎᓂᕐᒧᑦ ᑭᓯᐊᓂ ᐊᑕᒍᑎᒃ ᓄᑕᕋᐅᑉ ᐃᓘᓯᖓᓄᑦ, ᐃᓄᓕᕆᔭᐅᔾᔪᑎᓂᑦ ᐅᕝᕙᓘᓐᓃᑦ ᐃᓕᓐᓂᐊᖅᖢᓂ ᑭᓐᖒᒪᒋᔭᖏᑦ ᐃᓄᑉ ᓄᑕᕋᐅᑉ ᐊᓱᕆᐊᖃᖅᑕᖏᑦ
• ᓯᓚᕐᔪᐊᒥ ᐊᐅᓪᓚᕈᑎᑦ, ᑭᓯᐊᓂ ᐋᓐᓂᐊᕕᓕᐊᕈᑕᐅᒍᓂ ᑭᓐᖒᒪᓇᕐᒪᑕ ᐃᓄᖕᒧᑦ ᓄᑕᕋᕐᒧᑦ.
• ᐃᓅᓕᓴᐅᑕᐅᓐᖏᑦᑐᓄᑦ ᐃᑲᔫᑎᑦ ᓲᕐᓗ ᖃᖓᑦᑕᐅᑎᑦ ᐊᑭᖏᑦ, ᐃᓅᓕᓴᐅᑎᓄᑦ ᐱᓯᒪᓐᖏᑦᑐᑦ ᐸᕿᔭᐅᓂᖓ, ᐸᕿᕕᔨᑦ, ᐊᓐᓄᕌᑦ, ᐃᒡᓗᓯᐅᑎᑦ ᐃᒡᓯᕙᐅᑕᐃᑦ ᐊᒻᒪᓗ ᓄᓇᓯᐅᑎᑦ, ᑭᓯᐊᓂ ᑎᑎᖃᖅ ᐃᑲᔫᑎᔪᖅ ᐱᑕᖃᖅᐸᑦ ᐋᓐᓂᐊᓯᐅᖅᑎᒥᑦ ᓗᑖᒥᓘᓐᓃᑦ. ᐋᓐᓂᐊᓯᐅᖅᑎ ᓗᒃᑖᒃᓘᓐᓃᑦ ᑐᓂᓯᔪᓐᓇᕐᓗᓂ ᓄᑕᖃᓄᑦ-ᐱᓯᒪᔪᓂᒃ ᐊᑐᓕᖁᔭᒥᓂᒃ ᒪᓕᒃᓗᓂ ᖃᐅᔨᒪᔨᒻᒪᕆᐅᓂᓂ ᑕᒪᑐᒧᖓ ᐊᒻᒪᓗ ᖃᐅᔨᒪᓪᓗᒋᑦ ᐃᓄᒃ ᓄᑕᕋᐅᑉ ᑭᓱᑦ ᑭᓐᖒᒪᒋᔭᖏᑦ ᐱᔭᕆᐊᖃᖅᑕᖏᑦ.
• ᐃᓕᓐᓂᐊᕐᕕᖕᓄᑦ ᐊᑐᖅᑕᐅᓂᐊᖅᑐᑦ ᑐᒃᓯᕋᐅᑎᑦ, ᑭᓯᐊᓂ ᐊᑕᒍᓂ ᑐᓂᔭᕆᐊᖃᖅᐸᒋᑦ ᑭᓐᖒᒪᓇᕐᒪᑕ ᐃᓄᖕᒧᑦ ᓄᑕᕋᕐᒧᑦ. ᐃᑲᔫᑎᑦ ᐃᓕᓐᓂᐊᕐᕕᑦ ᑲᑐᔾᔨᓪᓗᑎᒃ ᓄᓇᓕᕋᓛᕐᓂ ᐊᒻᒪᓗ ᒐᕙᐅᓐᖏᑦᑐᑦ ᐃᓕᓐᓂᐊᕐᕕᑦ ᑐᓐᓂᖁᑕᐅᓂᐊᖅᑐᑦ ᑐᒃᓯᕋᐅᑎᖏᑦ ᑲᓇᑕᒥ ᐊᕕᒃᑐᖅᓯᒪᔪᓄᑦ ᐃᓕᓐᓂᐊᕐᕕᑦ ᑲᑐᔾᔨᓪᓗᑎᒃ ᐅᕝᕙᓘᓐᓃᑦ ᐊᓯᖏᑦ ᒫᓐᓇᐅᔪᖅ ᑲᓇᑕᒥ ᐊᕕᒃᑐᖅᓯᒪᔪᑦ ᐊᒻᒪᓗ ᒐᕙᒪᑐᖃᒃᑯᓂᑦ ᑮᓇᐅᔭᒃᓴᖃᖅᑎᑕᐅᔪᑦ ᐱᓕᕆᑎᑦᑎᔾᔪᑕᐅᔪᑦ.
• ᐃᕐᖐᓐᓇᖅ ᐊᐅᓚᑦᑎᔾᔪᑎᓄᑦ ᐊᑭᖏᑦ ᐃᓗᐊᓂ ᑲᑐᔾᔨᓪᓗᑎᒃ ᑐᒃᓯᕋᐅᑎᖏᑦ, ᐃᓚᒋᔭᐅᓪᓗᑎᒃ ᐃᖅᑲᓇᐃᔭᖅᑎᑦ ᑮᓇᐅᔭᒃᓴᖏᑦ, ᐱᔨᑦᑎᕋᐅᑎᓄᑦ ᐊᑭᓕᐅᑎᒃᓴᑦ ᐊᒻᒪᓗ ᖄᖏᐅᑎᒐᔭᕈᑎᒃ ᐊᑭᓕᐅᑎᒃᓴᑦ ᐊᑭᖏᑦ.

ᐊᑐᖅᑕᐅᒃᑲᓐᓂᕐᓂᖓ ᑐᒃᓯᕋᐅᑎᑦ ᑭᖑᓂᑦᑎᓐᓂ ᑐᒃᓯᕋᐅᑕᐅᓚᐅᖅᑐᑦ

• ᐊᑐᓂ ᓄᑖᖑᑲᐅᑎᒋᓲᑦ ᑐᑭᓯᕋᐅᑎᖏᑦ ᐃᓱᒪᒋᔭᐅᓲᑦ ᐊᑐᓂ. ᐱᑕᖃᕈᓂ ᐅᕝᕙᓘᓐᓃ ᑭᖑᓂᑦᑎᓐᓂ-ᐊᖏᖅᑕᐅᓯᒪᔪᕕᓃᑦ ᑐᒃᓯᕋᐅᑖᓂ ᐅᑯᐊ ᖃᓄᐃᓕᑎᑦᑎᔾᔮᓐᖏᑦᑐᑦ ᐊᑑᑎᖃᓐᖏᒻᒪᑕ ᑖᔅᓱᒪᖓ ᒫᓐᓇ ᑐᒃᓯᕋᐅᑎᒧᑦ ᓄᑖᖑᕆᐊᖅᓯᒪᓂᐊᖅᑐᑦ ᐅᕝᕙᓘᓐᓃᑦ ᐊᖏᖅᑕᐅᓗᑎᒃ.

ᐊᔪᖏᑦᑐᑦ ᓄᑕᖃᑦ ᐊᑖᒍᑦ ᐃᓄᐃᑦ ᓄᑕᕋᖏᓐᓂᒃ ᓯᕗᓪᓕᐅᑎᓯᒪᓂᖅ ᐃᖏᕐᕋᓯᑎᑕᐅᓯᒪᔪᖅ.

• ᐅᑯᐊ ᐊᓯᖑᖅᑐᑦ ᐊᒃᑐᐃᓐᖏᑦᑐᑦ ᐱᔪᓐᓇᖅᑐᓂᒃ ᐃᓄᖕᓂᒃ ᓄᑕᖃᓂᒃ ᐊᑖᒍᑦ ᐃᓄᐃᑦ ᓄᑕᕋᖏᓐᓂᒃ ᓯᕗᓪᓕᐅᑎᓯᒪᓂᖅ ᐃᖏᕐᕋᓯᑎᑕᐅᓯᒪᔪᖅ. ᑐᑭᓯᒋᐊᒃᑲᓐᓂᕈᓐᓇᖅᐳᑎᑦ ᐱᑎᑕᐅᔪᓐᓇᕐᒪᖔᑕ ᓄᑕᖃᑎᑦ, ᐅᓇ ᒪᑐᐃᕐᓗᒍ ᐃᑲᔪᖅᓱᐃᓂᖅ ᐃᓄᖕᓂᒃ ᓄᑕᖃᓂᒃ.
• ᐊᔪᖏᑦᑎᐊᖅᑐᑦ ᐃᓄᐃᑦ ᓄᑕᕋᖏᓐᓂᒃ ᓯᕗᓪᓕᐅᑎᓯᒪᓂᖅ ᐃᖏᕐᕋᓯᑎᑕᐅᓯᒪᔪᖅ ᑲᔪᓯᔪᖅ ᐃᓄᖕᓄᑦ ᓄᑕᖃᓄᑦ ᐊᑖᒍᑦ ᒪᓕᒃᖢᒋᑦ ᐅᑭᐅᖏᑦ ᑲᓇᑕᐅᑉ ᐊᕕᒃᑐᖅᓯᒪᔪᖏᓐᓂ ᐅᕝᕙᓘᓐᓃᑦ ᑎᐅᓕᑐᐊᓕᔅ ᓄᓇᖃᖅᑐᑦ.

ᐃᑲᔪᖅᑕᐅᔪᓐᓇᖅᑐᑎᑦ ᐅᕝᕙᓘᓐᓃᑦ ᑐᑭᓯᑎᑕᐅᔪᓐᓇᖅᑐᑎᑦ ᑕᒪᑐᒥᖓ

• ᖃᓄᑐᐃᓐᓇᖅ ᐊᐱᕆᔪᒪᒍᕕᑦ ᐅᕝᕙᓘᓐᓃᑦ ᐃᑲᔪᖅᑕᐅᔪᒪᒍᕕᑦ ᐱᓕᕆᐊᕆᓗᒍ ᑐᒃᓯᕋᐅᑏᑦ, ᐊᑏ ᐅᖃᕐᕕᒋᓗᒍ ᐊᕕᒃᑐᖅᓯᒪᔪᓂ ᑭᓇᐅᓂᖓ ᐅᖃᖅᓯᒪᔪᖅ (5. ᒋᔭᖓ ᐱᓕᕆᐊᖃᕐᓂᐅᑉ. ᖃᓄᖅ ᐊᐅᓪᓚᖅᑎᑦᑎᔭᕆᐊᖃᕐᓂᖅ ᑐᒃᓯᕋᐅᑎᒥᒃ). ᐊᑐᐃᓐᓇᐅᔪᑦ ᑐᑭᒧᐊᒍᑎᑦ ᐊᒻᒪᓗ ᐃᑲᔫᑎᑦ ᑕᒪᐃᓐᓄᑦ ᐱᓕᕆᔭᐅᕙᓪᓕᐊᓂᓕᒫᖓᒍᑦ.
• ᑐᒃᓯᕋᐅᑏᑦ ᐊᖏᖅᑕᐅᓐᖏᑉᐸᑦ, ᐳᖅᑐᓂᖅᓴᓕᐊᕈᑎᔪᓐᓇᖅᑕᑎᑦ ᐃᓱᒪᓕᐊᖏᑦ ᐅᕘᓇ ᐊᑖᓂ ᑐᕌᕈᑎ ᐱᓕᕆᔭᐅᕙᓪᓕᐊᔾᔪᓯᖓ ᐃᑭᐊᕿᕕᒃᑯᑦ 8. ᒋᔭᖓ ᐱᓕᕆᐊᖃᕐᓂᐅᑉ. ᖃᓄᖅ ᐆᒃᑐᒃᑲᓐᓂᕐᓂᐊᕐᓗᓂ ᐃᓱᒪᓕᐊᖑᓚᐅᖅᑐᓂᑦ

ᐅᑯᐊ ᑐᓴᖅᑕᐅᔪᒪᔪᑦ ᐃᓚᓕᐅᑎᓯᒪᓗᒋᑦ ᑐᒃᓯᕋᐅᑎᖓᓄᑦ ᓄᑕᕋᖅ

• ᓇᓗᓇᐃᑦᑎᐊᕐᓗᒋᑦ ᑭᓲᖕᒪᖔᑕ ᓄᑕᕋᐅᑉ ᐱᔭᕆᐊᖃᖅᑕᖏᑦ ᑭᓐᖒᒪᒋᔭᖏᑦ:
  • ᑐᑭᓯᓇᖅᓯᑎᑦᑎᐊᕐᓗᒍ ᖃᓄᖅ ᑐᒃᓯᕋᐅᑎᖓ ᐱᖁᑎᑦ, ᐱᔨᑦᑎᕋᐅᑎ, ᐅᕝᕙᓘᓐᓃᑦ ᐃᑲᔫᑎᒃᓴᖅ ᐋᕿᒃᓯᓂᐊᖅᐸ ᓄᑕᕋᐅᑉ ᐃᓘᓯᖓᓄᑦ, ᐃᓄᓕᕆᔭᐅᔾᔪᑎᓂᑦ ᐅᕝᕙᓘᓐᓃᑦ ᐃᓕᓐᓂᐊᖅᖢᓂ ᑭᓐᖒᒪᒋᔭᖏᑦ.
• ᐃᑲᔪᖅᑐᑦ ᑎᑎᖃᖏᑦ :
  • ᓄᑕᕋᐅᑉ ᐃᓘᓯᖓᓄᑦ, ᐃᓄᓕᕆᔭᐅᔾᔪᑎᓂᑦ ᐅᕝᕙᓘᓐᓃᑦ ᐃᓕᓐᓂᐊᖅᖢᓂ ᑭᓐᖒᒪᒋᔭᖏᑦ. ᑕᒪᕐᒥᒃ ᑐᒃᓯᕋᐅᑎᑦ ᐱᖃᑎᖃᕆᐊᖃᖅᑐᑦ ᑎᑎᖃᒥᒃ ᓇᓗᓇᐃᖅᓯᔪᓂᒃ ᖃᓄᖅ ᑐᒃᓯᕋᐅᑎᖓᓄᑦ ᐊᑕᓂᖏᑦ ᑕᑯᑎᑦᑎᔪᖅ ᑐᒃᓯᕋᐅᑎ ᐱᖁᑎᓄᑦ, ᐱᔨᑦᑎᕋᐅᑎᓄᑦ ᐅᕝᕙᓘᓐᓃᑦ ᐃᑲᔫᑎᒃᓄᑦ ᐊᑕᑎᒋᕙ ᓄᑕᕋᐅᑉ ᐃᓘᓯᖓᓄᑦ, ᐃᓄᓕᕆᔭᐅᔾᔪᑎᓂᑦ ᐅᕝᕙᓘᓐᓃᑦ ᐃᓕᓐᓂᐊᖅᖢᓂ ᑭᓐᖒᒪᒋᔭᖏᑦ.
  • ᑎᑎᖃᑦ ᐃᑲᔫᑎᔪᑦ ᑖᒃᑯᓇᖔᖅᓯᒪᓗᑎᒃ ᐋᓐᓂᐊᕕᖕᒥ ᐋᓐᓂᐊᓯᐅᖅᑎᑦ ᓗᒃᑖᖅ, ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑎ, ᐃᓐᓇᑐᖃᖅ ᐅᕝᕙᓘᓐᓃᑦ ᖃᐅᔨᒪᔭᐅᔪᑐᖃᓂᒃ ᑎᒍᒥᐊᖅᑎ, ᒪᓕᒃᖢᒋᑦ ᐊᔪᖏᑕᖏᑦ ᐃᓱᒪᓕᐊᖑᓂᐊᕐᒪᑕ ᐱᓯᒪᓂᖃᓐᖏᑉᐸᑕᓗ ᓄᑕᕋᕐᒧᑦ ᑭᓐᖒᒪᓇᒻᓱᓂᒃ, ᐊᒻᒪᓗ ᐃᑲᔪᖅᑕᐅᒋᐊᖃᖅᑐᑦ. ᐅᑯᐊ ᐃᓗᐊᓃᖃᓯᐅᑎᔪᑦ ᓄᓇᕋᐅᑉ ᐊᕙᓗᐊ ᐸᕿᔭᐅᓂᖓᑕ.
  • ᐃᖅᑲᓇᐃᔭᖅᑎᑦ ᑐᓂᓯᓗᑎᒃ ᑎᑎᖃᒥᒃ ᐃᑲᔫᑎᒥᖕᓂᒃ, ᐅᓇᓗ ᑎᑎᕋᖅᓯᒪᒋᐊᓕᑦ ᐃᓗᐊᒎᖓᔪᖅ ᐃᖅᑲᓇᐃᔮᕐᒥᒍᑦ.
  • ᑐᒃᓯᕋᕈᕕᑦ ᖄᖓᒍᑦ ᑮᓇᐅᔭᒃᓴᒥᒃ ᐅᖓᕙᕆᐊᕈᑎᒃᓴᓄᑦ ᐱᔨᑦᑎᕋᐅᑎᖏᓐᓄᑦ ᓄᑕᕋᕐᒧᑦ ᒫᓐᓇ ᓄᑖᓂᒃ ᑎᑎᖃᓂᒃ ᐃᑲᔫᑎᓂᒃ ᑐᓂᓯᔭᕆᐊᖃᖅᑐᖅ ᐃᑲᔪᕐᓗᒍ ᓄᑕᕋᐅᑉ ᐊᓯᖑᖅᑐᑦ ᑭᓐᖒᒪᒋᔭᖏᑦ ᐅᕝᕙᓘᓐᓃᑦ ᑕᑯᑎᑦᑎᔪᖅ ᑭᓐᖒᒪᒋᔭᖏᑦ ᑲᔪᓯᔭᕆᐊᓕᑦ ᐃᑲᔫᑎᑦ ᐅᕝᕙᓘᓐᓃᑦ ᐱᔨᑦᑎᕋᐅᑎᑦ.
  • ᐃᓚᓕᐅᑎᓯᒪᓗᒋᑦ ᓇᓕᐊᑐᐃᓐᓇᖅ ᐊᑑᑎᖃᖅᑐᖅ ᖃᐅᔨᓴᖅᑕᐅᓯᒪᓂᖓ ᐅᕝᕙᓘᓐᓃᑦ ᑭᓲᖕᒪᖔᑦ ᐋᓐᓂᐊᖓ.
• ᐊᑭᖏᑦ ᐊᕕᒃᑐᖅᓯᒪᓗᑎᒃ:
  • ᑐᓂᓯᓗᑎᑦ ᑐᑭᓯᓇᖅᑎᐊᖅᓗᒋᑦ ᐊᕕᒃᑐᖅᓯᒪᓗᒋᑦ ᐊᑭᖏᑦ ᐊᑕᔪᑦ ᑐᑭᓯᕋᐅᑎᒧᑦ.

ᐊᐅᓚᑕᐅᔾᔪᓯᖏᑦ ᑲᑐᔾᔨᓪᓗᑎᒃ ᑐᒃᓯᕋᐅᑎᖏᑦ

• ᑮᓇᐅᔭᒃᓴᖅ ᐊᑐᖅᑕᐅᑦᑕᐃᓕᓗᓂ ᑭᓯᐊᓂ ᐊᖏᖅᑕᐅᖄᓚᐅᕐᓗᑎᑦ ᑖᒃᑯᑎᒍᑦ ᐃᓄᐃᑦ ᓄᑕᕋᖏᓐᓂᒃ ᓯᕗᓪᓕᐅᑎᓯᒪᓂᖅ ᐃᖏᕐᕋᓯᑎᑕᐅᓯᒪᔪᖅ.
• ᐊᕐᕌᓂᐅᒪᐅᖅᑐᖅ ᐊᑭᓕᖅᓲᑎᕕᓃᑦ ᐅᕝᕙᓘᓐᓃᑦ ᖄᖏᐅᑎᓂᑯᑎᑦ ᐊᖏᖅᑕᐅᓚᐅᖅᓯᒪᓐᖏᑦᑐᑦ ᐊᑑᑎᖃᓐᖏᑦᑐᑦ ᐅᑎᖅᑎᕕᐅᔪᓐᓇᓐᖏᑦᑐᑎᑦ ᐊᑖᒍᑦ ᐃᓄᐃᑦ ᓄᑕᕋᖏᓐᓂᒃ ᓯᕗᓪᓕᐅᑎᓯᒪᓂᖅ ᐃᖏᕐᕋᓯᑎᑕᐅᓯᒪᔪᖅ.
• ᑕᒪᐃᓐᓄᑦ ᐊᐅᓚᑦᑎᔾᔪᑎᓄᑦ ᐊᑭᓕᐅᑎᑦ, ᑕᒪᒃᑯᐊᓗ ᐱᓇᔪᒍᑎᑦ ᐃᒻᒥᖕᓂᒃ ᐱᓕᕆᐊᕆᔭᓄᑦ 10% ᐊᐅᓚᑦᑎᔾᔪᑎᑦ ᐊᑭᖏᑦ, ᐅᑯᐊ ᑮᓇᐅᔭᒃᓴᖅᑎᑕᐅᕙᒍᓐᓃᖅᑐᑦ ᐊᑖᒍᑦ ᐃᓄᐃᑦ ᓄᑕᕋᖏᓐᓂᒃ ᓯᕗᓪᓕᐅᑎᓯᒪᓂᖅ ᐃᖏᕐᕋᓯᑎᑕᐅᓯᒪᔪᖅ.
• ᑮᓇᐅᔭᒃᓴᖅ ᐊᖏᖅᑕᐅᓯᒪᔪᖅ ᑖᒃᑯᑎᒍᑦ ᑲᑐᔾᔨᓪᓗᑎᒃ ᑐᒃᓯᕋᐅᑎᖏᑦ ᐊᒻᒪᓗ ᓅᑕᐅᓯᒪᓗᑎᒃ ᑮᓇᐅᔭᒃᓴᖃᖅᑎᑦᑎᔾᔪᑕᐅᓗᑎᒃ ᐊᑖᒍᑦ ᐃᓄᐃᑦ ᓄᑕᕋᖏᓐᓂᒃ ᓯᕗᓪᓕᐅᑎᓯᒪᓂᖅ ᐃᖏᕐᕋᓯᑎᑕᐅᓯᒪᔪᖅ ᒪᓕᒋᐊᖃᖅᑐᑦ ᐱᐅᓯᕐᓂᒃ ᑮᓇᐅᔭᓕᕆᔾᔪᑎᖏᓐᓄᑦ ᐊᐅᓚᑦᑎᓗᑎᒃ, ᓵᑕᒃᓴᐅᓗᑎᒃ ᐊᒻᒪᓗ ᐅᓂᒃᑳᓕᐅᕈᓯᖏᑦ.
• ᐊᑖᓂ ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓂ, ᓇᓕᐊᑐᐃᓐᓇᖅ ᐊᑐᖅᑕᐅᓐᖏᓂᑯᑦ ᑮᓇᐅᔭᒃᓴᓂᑦ ᑖᒃᑯᑎᒍᑦ ᑲᑐᔾᔨᓪᓗᑎᒃ ᑐᒃᓯᕋᐅᑎᖏᑦᑎᒍᑦ ᐅᓂᒃᑳᓕᐅᕆᐊᖃᖅᑐᑦ ᐊᒻᒪᓗ ᖃᐅᔨᓇᓱᒃᑕᐅᑦᑎᐊᕐᓗᑎᒃ ᐊᑐᓂ ᐱᓕᕆᔭᓕᒫᖏᑦ.
• ᓄᑖᖅ ᑲᑐᔾᔨᓪᓗᑎᒃ ᑐᒃᓯᕋᐅᑎᖏᑦ ᑐᕌᖅᑐᖅ ᐃᓄᐃᑦ ᓄᑕᕋᖏᓐᓂᒃ ᓯᕗᓪᓕᐅᑎᓯᒪᓂᖅ ᐃᖏᕐᕋᓯᑎᑕᐅᓯᒪᔪᖅ ᑮᓇᐅᔭᒃᓴᖅ ᐅᖓᑖᓄᐊᖓᓕᖅᑐᖅ ᐊᑕᐅᓯᖅ ᑮᓇᐅᔭᓕᐅᕆᓐᓴᐅᑉ ᐊᕐᕌᒍᐊᓂ (ᓲᕐᓗ ᑕᓪᓕᒪᓄᑦ ᐊᕐᕌᒍᓅᖓᔪᑦ ᑐᒃᓯᕋᐅᑎᑦ) ᐊᖏᖅᑕᐅᕙᒍᓐᓃᖅᑐᑦ.
• ᑲᑐᔾᔨᓪᓗᑎᒃ ᑐᒃᓯᕋᐅᑎᖏᑦ ᑕᑯᒃᓴᕈᖅᑎᑦᑎᓗᓂ ᖃᓄᖅ ᑐᒃᓯᕋᐅᑎ ᖃᓄᐃᓕᐅᕈᑎᖏᑦ ᐅᕝᕙᓘᓐᓃᑦ ᐱᔨᑦᑎᕋᐅᑎᑦ ᐃᑲᔫᑎᔪᑦ ᐊᑐᓂ ᓄᑕᕋᕐᒧᑦ ᑐᒃᓯᕋᐅᕈᑎᔭᖓᓄᑦ.

ᑐᓴᒐᒃᑕᐃᑦ ᐃᓚᖃᖅᑐᑦ ᑲᑐᔾᔨᓪᓗᑎᒃ ᑐᒃᓯᕋᐅᑎᖏᑦ

• ᐊᑎᖏᑦ ᓄᑕᖃᑦ: ᐃᓚᓕᐅᑎᓯᒪᔪᑦ ᐊᑐᓂ ᓄᑕᖃᑦ ᐊᑎᖏᑦ, ᐃᓅᕕᖏᑦ, ᐊᒻᒪᓗ ᓇᓗᓇᐃᒃᑯᑕᖅ ᐊᖑᖅᑕᐅᔪᓐᓇᕐᓂᖓᓂ ᑖᒃᑯᓂᖓ ᐃᓄᐃᑦ ᓄᑕᕋᖏᓐᓂᒃ ᓯᕗᓪᓕᐅᑎᓯᒪᓂᖅ ᐃᖏᕐᕋᓯᑎᑕᐅᓯᒪᔪᖅ.
• ᑭᓐᖒᒪᒋᔭᑦ ᖃᐅᔨᓴᑦᑎᐊᕐᓂᖅ: ᓇᓗᓇᐃᔭᑦᑎᐊᖅᓯᒪᔪᑦ ᑐᓴᕐᑎᑦᑎᔾᔪᑕᐅᔪᑦ ᑭᓐᖒᒪᒋᔭᑦ ᓄᑕᕋᕐᒧᑦ ᑲᑎᒪᔨᑎᒍᑦ ᐊᒻᒪᓗ ᖃᓄᖅ ᑐᒃᓯᕋᐅᑎ ᐋᕿᒃᓯᓂᐊᖅᐸ ᑖᒃᑯᓂᖓ ᑭᓐᖒᒪᒋᔭᖏᓐᓂᒃ.
• ᐃᑲᔫᑎᑦ ᑎᑎᖃᑦ:
  • ᑕᒪᕐᒥᒃ ᑐᒃᓯᕋᐅᑎᑦ ᐃᓚᖃᕆᐊᖃᖅᑐᑦ ᐱᖃᑎᖃᕐᓗᑎᒃ ᑎᑎᖃᒥᒃ ᐃᑲᔪᖅᓯᔪᒥᒃ ᐅᑯᐊ ᑕᑯᑎᑦᑎᔪᑦ ᖃᓄᖅ ᑐᒃᓯᕋᖅᑕᐅᔪᖅ ᐱᖁᑎ, ᐱᔨᑦᑎᕋᐅᑎ ᐅᕝᕙᓘᓐᓃᑦ ᐃᑲᔫᑭ ᐊᑕᖕᒪᖔᑦ ᓄᑕᕋᐅᑉ ᑎᑭᐅᑎᓯᒪᓐᖏᓂᖓ ᐃᓘᓯᖓᓄᑦ, ᐃᓄᓕᕆᔭᐅᔾᔪᑎᓂᑦ ᐅᕝᕙᓘᓐᓃᑦ ᐃᓕᓐᓂᐊᖅᖢᓂ ᑭᓐᖒᒪᒋᔭᖏᑦ.
  • ᑎᑎᖃᖅ ᐃᑲᔫᑎ ᑎᑎᕋᕆᐊᖃᖅᑕᖓ ᑐᓐᓂᓯᓗᓂᓗ ᐋᓐᓂᐊᕕᖕᒥ ᐋᓐᓂᐊᓯᐅᖅᑎᑦ ᓗᒃᑖᓗᓐᓃᑦ, ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑎᑦ, ᐃᓐᓇᑐᖃᖅ ᐅᕝᕙᓘᓐᓃᑦ ᖃᐅᔨᒪᔭᐅᔪᑐᖃᕐᒥᒃ ᑎᒍᒥᐊᖅᑎ, ᒪᓕᒃᑐᖅ ᑭᓱᓕᕆᔨᐅᓂᖓ ᐃᓱᒪᓕᐅᕈᑎᒋᔾᔪᑎᒋᔭᖓ ᐋᕿᐊᓂᒋᐊᖃᕐᓂᖓ ᑭᓐᖒᒪᒋᔭᖏᑦ ᓄᑕᕋᐃᑦ, ᐊᒻᒪᓗ ᐃᑲᔫᑎᒃᓴᑦ ᐱᔭᕆᐊᖃᖅᑕᖏᑦ.
  • ᐃᖅᑲᓇᐃᔭᖅᑎᑦ ᑐᓂᓯᓗᑎᒃ ᑎᑎᖃᒥᒃ ᐃᑲᔫᑎᒥᖕᓂᒃ, ᐅᓇᓗ ᑎᑎᕋᖅᓯᒪᒋᐊᓕᑦ ᐃᓗᐊᒎᖓᔪᖅ ᐃᖅᑲᓇᐃᔮᕐᒥᒍᑦ.
  • ᐃᓚᒃᑲᓐᓂᐊᖃᑦᑕᕈᑎᒋᓗᒍ ᑮᓇᐅᔭᒃᓴᖅ ᑕᐃᒪᓐᓇᐅᔭᕆᐊᖃᓐᖏᑦᑐᖅ
  • ᐃᓚᓕᐅᑎᓗᒋᑦ ᓇᓕᐊᑐᐃᓐᓇᖅ ᖃᐅᔨᓴᖅᑕᐅᓂᖓ ᐅᕝᕙᓘᓐᓃᑦ ᑭᓲᖕᒪᖔᑦ ᐋᓐᓂᐊᖓ.
• ᓇᓗᓇᐃᔭᑦᑎᐊᖅᓯᒪᔪᖅ ᑮᓇᐅᔭᖅᑑᑎᒃᓴᖅ: ᑐᓂᓗᒍ ᐊᕕᒃᑐᖅᓯᒪᔪᑦ ᑕᒪᕐᒥᒃ ᐊᑭᖏᑦ.
• ᑮᓇᐅᔭᓕᕆᔾᔪᑕᐅᔪᑦ ᐅᓂᒃᑳᖏᑦ: ᐱᑎᑕᐅᓚᐅᖅᓯᒪᒍᕕᑦ ᑭᖑᓂᑦᑎᓐᓂ ᑮᓇᐅᔭᒃᓴᒥᒃ, ᑐᓂᓯᒋᐊᖃᖅᑐᑎᑦ ᑮᓇᐅᔭᓕᕆᔾᔪᑎᑦ ᐅᓂᒃᑳᖏᓐᓂᒃ ᐊᕐᕌᓂᐅᓚᐅᖅᑐᒥᒃ ᐊᒻᒪᓗ ᓇᓗᓇᐃᑦᑎᐊᕐᓗᒋᑦ ᓇᓕᐊᑐᖏᓐᓇᖅ ᐊᕐᕌᒍᒧᑦ ᑲᔪᑎᔪᑦ.

ᖃᓄᐃᒻᒪᑦ ᐅᑯᐊ ᐊᓯᖑᖅᐸᑦ?

• ᐃᑲᔫᑎᓂᐊᕐᒪᑕ ᐊᑯᓂᐅᔪᒃᑯᑦ ᐱᑕᖃᐃᓐᓇᕈᓐᓇᕐᓗᓂ ᑕᒪᓐᓇ ᓄᓇᖅᑲᖅᑳᖅᓯᒪᔪᓄᑦ ᐱᔨᑦᑎᕋᐅᑎᑦ ᑲᓇᑕ, ᐊᐅᓪᓗᑎᓗᒋᑦ ᑕᒪᐃᓐᓄᑦ ᐱᓕᕆᐊᒃᓴᕆᔭᓄᑦ: ᑐᓂᓯᓯᒪᔪᖅ ᑮᓇᐅᔭᒃᑕᖏᓐᓂᒃ ᐃᓄᐃᑦ ᓄᑕᖃᑦ ᓵᑦᑎᓯᒪᔪᑦ ᑐᓗᖅᑕᐅᑎᓂᒃ ᐊᔪᖅᑎᑕᐅᓲᑦ ᐱᓇᓱᒃᖢᑎᒃ ᐱᖁᑎᓂᒃ, ᐱᔨᑦᑎᕋᐅᑎᓂᒃ ᐊᒻᒪᓗ ᐃᑲᔫᑎᓂᒃ.
• ᓄᓇᖅᑲᖅᑳᖅᓯᒪᔪᓄᑦ ᐱᔨᑦᑎᕋᐅᑎᑦ ᑲᓇᑕ ᓴᓇᖃᑎᖃᖅᑐᑦ ᓴᕿᑦᑎᓪᓗᑎᒃ ᑲᒪᓂᕐᒥᒃ, ᐃᓚᓕᐅᑎᓯᒪᔪᓂᒃ ᐱᔨᑦᑎᕋᐅᑎᓂᒃ ᐅᑯᐊᓗ ᐃᓄᐃᑦ ᐊᑐᕈᓐᓇᖅᑕᖏᑦ ᑎᑭᐅᑎᑦᑎᐊᕐᓂᐊᕐᒪᑕ ᐃᓄᐃᑦ ᓄᑕᖃᑦ ᐊᔾᔨᒋᔭᐅᓐᖏᑦᑐᓂᒃ ᐱᔭᕆᐊᖃᖅᑕᖏᓐᓂᒃ ᐊᒻᒪᓗ ᑐᓂᓯᒪᓗᒋᑦ ᓄᖑᑲᐅᑎᒋᔮᓐᖏᑦᑐᓂᒃ ᐊᑐᕈᓐᓇᕐᓂᐊᖅᑕᖏᑦ ᒐᕙᒪᒃᑯᑦ ᐱᔨᑦᑎᕋᐅᑎᖏᓐᓂᒃ, ᑕᐃᑲᓂ ᐃᓄᐃᑦ ᓄᑕᕋᖏᓐᓂᒃ ᓯᕗᓪᓕᐅᑎᓯᒪᓂᖅ ᐃᖏᕐᕋᓯᑎᑕᐅᓯᒪᔪᖅ ᑲᔪᓯᔪᒥᒃ ᐋᕿᒃᓯᖃᑦᑕᕐᓂᐊᕐᒪᑦ ᐃᖅᐸᖅᓯᒪᔪᓂᒃ, ᑭᖑᕙᖅᓯᒪᔪᓂᒃ ᐊᒻᒪᓗ ᐋᒃᑳᖅᑕᐅᓯᒪᔪᓂᒃ ᐱᔨᑦᑎᕋᐅᑎᓂᒃ.
• ᓄᓇᖅᑲᖅᑳᖅᓯᒪᔪᓄᑦ ᐱᔨᑦᑎᕋᐅᑎᑦ ᑲᓇᑕ ᐊᖏᖅᓯᒪᑦᑎᐊᖅᑐᖅ ᓴᕿᑦᑎᖃᑎᒌᒡᓗᑎᒃ ᐊᒻᒪᓗ ᓄᖑᑲᐅᑎᒋᔮᓐᖏᑦᑐᓂᒃ ᐊᑯᓂᐅᔪᒃᑯᑦ, ᐃᓄᖕᓄᑦ ᑐᕌᖅᑐᑦ ᐱᒋᐊᕈᑎᑦ ᐃᓄᐃᑦ ᓄᑕᕋᖏᓐᓂᒃ ᓯᕗᓪᓕᐅᑎᓯᒪᓂᖅ ᐃᖏᕐᕋᓯᑎᑕᐅᓯᒪᔪᖅ.

ᖃᓄᖅ ᒪᓕᑦᑎᐊᖅᑎᒋᕙ, ᐃᓄᖕᓄᑦ ᐱᓯᒪᔪᖅ ᐱᒋᐊᕈᑎ ᐃᓄᐃᑦ ᓄᑕᕋᖏᓐᓂᒃ ᓯᕗᓪᓕᐅᑎᓯᒪᓂᖅ ᐃᖏᕐᕋᓯᑎᑕᐅᓯᒪᔪᖅ.

• ᓄᓇᖅᑲᖅᑳᖅᓯᒪᔪᓄᑦ ᐱᔨᑦᑎᕋᐅᑎᑦ ᑲᓇᑕ ᐊᒻᒪᓗ ᐃᓄᐃᑦ ᐱᓕᕆᖃᑎᒌᒃᑐᑦ ᑲᔪᓯᔪᒥᒃ ᐱᕙᓪᓕᐊᑎᑦᑎᖃᑎᒌᒡᓗᑎᒃ ᑲᔪᓯᔪᒥᒃ ᐱᕙᓪᓕᐊᑎᑦᑎᓗᑎᒃ ᐃᓄᖕᓄᑦ ᐱᓯᒪᔪᑦ ᐱᒋᐊᕈᑎᑦ ᐅᑯᐊᓗ ᐃᓂᖃᕐᑎᑦᑎᓂᐊᖅᑐᑦ ᐊᐅᓚᑦᑎᔾᔪᑎᒃᓴᓂᒃ ᐊᑯᓂᐅᔪᒃᑯᑦ ᐊᒻᒪᓗ, ᑕᐃᑲᓂ ᐊᖏᖅᑕᐅᑎᓪᓗᒍ, ᓴᖃᑎᒌᖕᓂᐊᖅᑐᒍᑦ ᓅᑉᐸᓪᓕᐊᓂᖅ ᐊᓯᖑᖅᐸᓪᓕᐊᑎᓪᓗᒍ ᓴᓇᓯᔾᔪᓯᖓ ᑐᓂᓯᖃᑦᑕᖅᑐᕐᓂᖅ.
• ᑕᐃᒪᓗ ᐱᕙᓪᓕᐊᑎᑦᑎᖃᑎᒌᖕᓂᖅ ᑲᔪᓯᑎᓪᓗᒍ, ᓄᓇᖅᑲᖅᑳᖅᓯᒪᔪᓄᑦ ᐱᔨᑦᑎᕋᐅᑎᑦ ᑲᓇᑕ ᐊᕕᒃᑐᖅᓯᒪᔪᑦ ᓴᓇᖃᑎᒌᑦ ᐊᑐᓕᖅᑕᐅᑎᑦᑎᓂᐊᖅᑐᑦ ᐅᓇ ᒫᓐᓇᕈᖅᑎᓯᒪᓗᓂ ᑐᑭᒧᐊᒃᑎᑦᑎᓂᖓ ᐱᓯᒪᓂᖃᑦᑎᐊᕐᓗᑎᒃ ᐃᓗᓕᖏᑦᑎᒍᑦ ᐃᓄᐃᑦ ᓄᑕᕋᖏᓐᓂᒃ ᓯᕗᓪᓕᐅᑎᓯᒪᓂᖅ ᐃᖏᕐᕋᓯᑎᑕᐅᓯᒪᔪᖅ.

ᐊᓯᖏᑦ ᐱᓕᕆᑎᑦᑎᔾᔪᑕᐅᔪᑦ ᐅᕝᕙᓘᓐᓃᑦ ᐱᔨᑦᑎᕋᐅᑎᑦ

• ᑕᐃᒪᓗ ᐱᑕᖃᕈᓐᓇᖅᑐᖅ ᐊᓯᖏᓐᓂᒃ ᑮᓇᐅᔭᒃᓴᓂᒃ ᐱᓕᕆᑎᑦᑎᔾᔪᑕᐅᔪᓄᑦ ᐅᕝᕙᓘᓐᓃᑦ ᐱᔨᑦᑎᕋᐅᑎᓄᑦ ᐊᑐᐃᓐᓇᐅᔪᑦ ᑲᓇᑕᒥ ᐊᕕᒃᑐᖅᓯᒪᔪᑎᒍᑦ ᐅᕝᕙᓘᓐᓃᑦ ᑎᐊᓕᑐᐊᓕᔅᑎᒍᑦ. ᐊᑏ ᖃᐅᔨᒋᐊᕐᓗᒋᑦ ᑲᓇᑕᒥ ᐊᕕᒃᑐᖅᓯᒪᔪᑦ, ᑎᐅᓕᑐᐊᓕᔅ ᐅᕝᕙᓘᓐᓃᑦ ᐃᓄᐃᑦ ᒐᕙᒪᒃᑯᖏᑦ ᑕᑯᓂᐊᕋᑦᓯ ᑭᓱᑦ ᐊᑐᐃᓐᓇᐅᖕᒪᖔᑕ.

ᑕᒪᐃᓐᓂᒃ ᑐᓴᒐᒃᓴᑐᐃᓐᓇᐃᑦ

ᑲᑐᔾᔨᓪᓗᑎᒃ ᑐᒃᓯᕋᐅᑎᖏᑦ